Lu Palangaru di li Disonesti

la politica di sti curnuti e' comu lu palangaru pi li pisci
cchiú ámura ci su pi li vucchi megghiu a bordu s'appitisci

ma pisci morti su chiddi piscati
picchi un si movinu e arrestanu ammagghiati

li cianchi spurpanu e sputanu li testi
di sti pisci pigghiati arrestanu sulu li sicchi reschi

iddi tornanu cu atri lenzi nta stu mari
e puru li reschi si cuntentanu di piscari

lu palangaru stavota pari diversu
ma a bordu lu piscaturi e sempri iddu, lu stessu

si di pisci iu a moriri piscatu
cu l'ammogghiu vogghiu essiri manciatu

picchí si sta fini tutti amaffári
cuntentu vogghiu essiri d'ammagghiari

di li cristiani hannu a ristari ossa e testi!
allura vogghiu campari nta lu munnu di li giusti

un dumannu ne lu postu ne lu suvecchiu
ma di lu piscaturi piscatu di chiddu onestu

Immagine di collage realizzato da Alice Pazzi dal titolo Pesci all'Amo

Li Scarioti di Selinunte